Maxfiylik siyosati

Qalamdon pedagogga hujjat tayyorlashda yordam beradi. Buning uchun bolalar haqida hech qanday ma'lumot kerak emas — shuning uchun biz ularni so'ramaymiz va saqlamaymiz.

Nimalar saqlanadi

• Telegram ID raqamingiz — hisobingizni tanish uchun.
• Lavozim (tarbiyachi, o'qituvchi yoki ota-ona), muassasa turi, guruh yoshi yoki sinf.
• Bolalar soni — faqat raqam. Viloyat — ixtiyoriy.
• Siz yaratgan anonim hujjatlar.
• To'lov tranzaksiyasi: summa va sana.

Nimalar saqlanmaydi

• Ismingiz, Telegram username, telefon raqamingiz va rasmingiz.
• Bolalar haqida hech narsa: ism, baho, kuzatuv, surat.
• Karta ma'lumotlari — ular faqat to'lov tizimida qoladi.

Ismingiz faylga qanday tushadi

F.I.Sh., bog'cha yoki maktab va guruh nomi faqat telefoningiz yoki kompyuteringizda saqlanadi. Hujjat yuklab olinayotganda ular faylga shu qurilmaning o'zida qo'yiladi va serverga yuborilmaydi. Foto hisobot uchun suratlar ham qurilmada joylanadi.

Sun'iy intellekt

Hujjat matnini sun'iy intellekt tayyorlaydi. Unga faqat mavzu, yosh guruhi va hujjat turi yuboriladi. Siz yozgan erkin matndan shaxsiy ma'lumotga o'xshash qismlar yuborishdan oldin olib tashlanadi. So'rovlar matni loglarda saqlanmaydi.

Hisobni o'chirish

Hisobni ilovadagi «Profil» bo'limidan butunlay o'chirish mumkin. Saytdagi barcha kirishlarni bekor qilish uchun botga /chiqish deb yozing.

Aloqa

Savollar bo'lsa, @QalamdonUzBot orqali yozing.